Увс аймаг дахь Гаалийн газраас, “Гааль-Бизнесийн түншлэл-2019” зөвлөлдөх уулзалтыг 2019 оны 05-р сарын 15-ны өдөр улсын хилээр байнга зорчигч иргэд, аж ахуйн нэгж байгууллага болон Аймгийн иргэдийн хурал, Хилийн цэрэг, Мэргэжлийн хяналт, Гадаадын харьяат иргэдийн шилжих хөдөлгөөний алба, Цагдаа, Тагнуулын байгууллага, хэвлэл мэдээллийн байгууллагын төлөөлөлийг оролцуулан зохион байгуулаа. Уулзалтаар гаалийн харилцаанд оролцогч зорчигч үйлчлүүлэгчдэд гадаад худалдааны гэрээ, түүнд тавигдах шаардлага, гадаад төлбөр тооцоо хийх арга хэлбэр өнөөгийн нөхцөл байдал, анхаарах асуудал, гаалийн татвар тариф, хөнгөлөлт чөлөөлөлт, Хар тамхи мансууруулах бодисын хууль бус эргэлт түүнтэй холбоотой зөрчлийн нөхцөл байдлын талаар сургалт мэдээлэл хийж, тэдний тулгамдсан асуудлаар хэлэлцүүлэг чөлөөт ярилцлага зохион байгууллаа. Мөн түүнчлэн харъяа боомтууд болон хөрш орны нутаг дэвсгэр, боомтуудаар зорчих, бараа тээврийн хэрэгсэл нэвтрүүлэх үед тохиолдож буй бэрхшээлтэй асуудлаар санал шүүмжлэлийг нь сонсож шийдвэрлэх, арга замыг тодорхойлох, үйлчлүүлэгчдэд мэдээлэл хүргэх, гаалийн байгууллагын үйл ажиллагааны талаар санал асуулга авах, цахим мэдээлэл хүргэх хаягт баяжуулалт хийх, хөрш орны гаалийн байгууллагаас гадаад эдийн засгийн харилцаанд оролцогчдод мэдээллэхээр ирүүлсэн мэдээлэл, тус газраас хөрш орны гаалийн болон төр захиргааны байгууллага, Монгол-оросын засгийн газар хооорондын худалдаа эдийн засгийн комиссын 13-р хуралдаанд хандаж гаргасан зорчигч үйлчлүүлэгчидтэй холбоотой санал хүсэлт, гомдол мэдээллийг танилцуулах зэрэг асуудлыг авч хэлэлцлээ.