ХЭЛЭЛЦҮҮЛЭГ ...
ТҮГЭЭМЭЛ АСУУЛТ ХАРИУЛТ ...
Энэ нь ташаа ойлголт байна. “Төрийн жинхэнэ албаны мэргэшлийн шалгалт авах журам”-д зааснаар Мэргэшлийн шалгалтын салбар комисс нь төрийн захиргааны төв, нутгийн захиргааны байгууллагын гэсэн хоёр чиглэлтэй байна. Төрийн захиргааны төв байгууллагын салбар комисс нь Төрийн албаны зөвлөлийн дэргэд, нутгийн захиргааны байгууллагын салбар комисс нь аймаг, нийслэл дэх Төрийн албаны зөвлөлийн салбар зөвлөлийн дэргэд ажилладаг.Тиймээс яам, агентлагт гарсан сул орон тоог нөхөх мэргэшлийн шалгалтыг төрийн захиргааны төв байгууллагын салбар комисс авна. Гэхдээ шаардлагатай тохиолдолд төрийн захиргааны төв байгууллагын салбар комиссын бүрэлдэхүүнд төрийн холбогдох байгууллагын төлөөллийг оролцуулж болно. Тухайлбал, тухайн албан тушаалд тавих мэргэжлийн болон мэргэшсэн байх шаардлагыг тухайн иргэн хангаж байгаа эсэхийг тогтооход байгууллагын төлөөлөл иргэнийг бүртгэх үед чухал үүрэгтэй оролцдог юм.
 ФОТО СЛАЙД

2017-10-26   11:25:23   1020   0
  УВС АЙМГИЙГ ТӨЛӨӨЛЖ БНХАУ-ЫН ШАНЬДУН МУЖИЙН ЖИНАН ХОТОД АЖИЛЛАСАН АЖЛЫН ХЭСГИЙН МЭДЭЭ-1
Увс аймгийн ИТХ-ын төлөөлөгч, тэргүүлэгч, “Нитэнт” ХХК-ийн захирал А.Хилэнбаатар, аймгийн ЗДТГ-ын гадаад харилцааны мэргэжилтэн О.Саруул, “Увс хүнс” ХК-ийн ерөнхий захирал Л.Мөнхнаран, “Дөрвөн булаг” ХХК-ийн захирал Б.Гомбо нар Монголын бизнес эрхлэгч эмэгтэйчүүдийн холбооны дэд тэргүүн М.Түвшинбаяраар ахлуулсан нийт 16 хүний бүрэлдэхүүнтэй төр, бизнесийн төлөөлөгчид 2017 оны 10 сарын 14-21-ны хооронд БНХАУ-ын Шаньдун мужийн Жинан хотноо бизнес аялалд хамрагдлаа.
10 сарын 15-ны орой Монголын төлөөлөгчид Шаньдун мужийн Жинан хотод очиход хотын Ардын хурлын байнгын хорооны дарга Ин Лү Чиан тэргүүтэй төлөөлөгчид Монголын төлөөлөгчдийг хүлээн авч уулзаж хамтын ажиллагааны асуудлаар санал солилцов.
Уулзалтын үеэр Увс аймаг ба Жинан хотын хооронд 2017 оны 09 сарын 26-нд УБ хотноо байгуулсан найрсаг хамтын ажиллагааны санамж бичгийн хүрээнд Увс аймгийн Засаг даргаас цаашид хамтран ажиллах талаар ирүүлсэн саналын дагуу Увс аймгаас 5 оюутныг Жинан хотын их дээд сургуульд суралцуулахаар шийдвэрлэснээ албан ёсоор илэрхийллээ.
10 сарын 16-ны өдөр Жинан хотын орлогч дарга Ли Зү Жүн, Жинан хотын худалдаа, хөрөнгө оруулалтын газар, гадаад харилцааны газрын дарга нарын бүрэлдэхүүнтэй төлөөлөгчид Жинан хотын орлогч даргатай хийсэн уулзалтын үеэр Жинан хотын талаар дэлгэрэнгүй мэдээлэл өгч Хятад Монгол улс эдийн засаг, улс төрийн стратегийн иж бүрэн түншлэлийн харилцааг хөгжүүлж 2 орны худалдааны эргэлт 270,0 сая ам.долларт хүрч экспортын хэмжээ 80% хүрсэн үзүүлэлттэй байгааг дурьдав.
Шаньдун мужийн нийслэл Жинан хот 7,0 сая хүн амтай, 7,8 км.кв нутаг дэвсгэртэй, дэд бүтэц, зам харилцаа маш сайн хөгжсөн. Хурдны галт тэрэгний 5 шугамтай, дэлхийн 193 хот руу олон улсын галт тэрэгний шугамтай, агаарын тээврийн хувьд 5 тив рүү нислэг үйлддэг, аж үйлдвэр хөгжүүлэх, худалдаа эдийн засаг, хөрөнгө оруулалтын ашигтай таатай нөхцөл бүрдсэн хот юм.
Үүнээс гадна дэвшилтэт технологи өндөр хөгжсөн, орчин үеийн мэдээллийн технологи, харилцаа холбооны салбар сайн хөгжсөн, цахилгаан бараа болон хүнд машин механизмын салбар өндөр хөгжсөнөөс гадна соёлын аялал жуулчлалын салбар хөгжсөн юм.
СЭДЭВ : Цаг үеийн мэдээ