ТАНИЛЦУУЛГА

ТАНИЛЦУУЛГА

            Монгол улсад 1923 онд малыг эмчлэх, боловсруулан сайжруулах газар байгуулсны дараа Чандмань уулын аймагт 1929 онд ЗХУ-аас малын их эмч Шервинэн, жолооч  Теленов, орчуулагчийн хамт ирж зоо-мал эмнэлгийн тасаг байгуулснаар Зоо мал эмнэлгийн анхны байгууллага үүссэн түүхтэй.

ЗХУ-аас ирсэн мэргэжилтнүүд нь зоотехник, мал эмнэлгийн ажлыг хавсран гүйцэтгэж байсан.

            1929-1997 он хүртэл Мал эмнэлэг, мал үржил, газар тариалан, усны чиглэлээр аймгийн хэмжээнд бие дааж үйл ажиллагаа явуулдаг газар,  хэлтсийн хэлбэрээр ажиллаж байлаа.

            1997 оноос Мал эмнэлгийн газар, Мал үржлийн алба нэгдэж,  Аймгийн Засаг даргын 1997 оны 03-р сарын 25-ны өдрийн 79-р захирамжаар Аймгийн мал эмнэлэг, үржлийн алба /агентлаг/ болж,

2000 онд Хөдөө аж ахуйн газар,

2003 онд Хүнс, хөдөө аж ахуйн газар,

2009 онд Хүнс, хөдөө  аж ахуй, жижиг дунд үйлдвэрийн  газар,

2014 онд Үйлдвэр, хөдөө аж ахуйн газар,

2015 онд Хүнс, хөдөө аж ахуйн газар болж зохион байгуулагдан  хүнс, мал эмнэлэг, мал аж ахуй, газар тариалангийн үйлдвэрлэлийн асуудлаар төр засгийн шийдвэрийг аймгийн хэмжээнд хэрэгжүүлэх үүрэг бүхий байгууллага болж, шинэ зорилго, зорилт, бүтэц орон тоотойгоор ажиллах болсон юм.

Манай байгууллагын зорилго нь мал аж ахуй, газар тариалан, хүнсний чиглэлээр гарсан төр, засгийн бодлого, хууль тогтоомж, аймгийн төр захиргааны байгууллагын шийдвэрийг аймгийн хэмжээнд хэрэгжүүлэх ажлыг зохион байгуулж, энэ салбарын эрсдэлийг бууруулах, өрсөлдөх чадварыг, сайжруулах, тогтвортой үйл ажиллагааг нь хангаж улмаар үр ашигтай өндөр чанартай экологийн цэвэр бүтээгдэхүүн үйлдвэрлэж, иргэдийн эрүүл ажиллаж, амьдрах нөхцөлийг бүрдүүлэхэд оршиж байна.

Хүнс, хөдөө аж ахуйн газар нь

Ø Захиргаа аж ахуйн алба

Ø Мал үржлийн алба

Ø Үйлдвэрлэл, худалдаа үйлчилгээний албатай нийт 20 орон тоотойгоор  үйл ажиллагаагаа явуулж байна.

Манай байгууллага нь  малын үржлийн ажлыг шинжлэх ухааны үндэстэй явуулах, малын чанарыг сайжруулах, ашиг шимтэй болон нутгийн шилмэл мал шалгаруулан үржилд ашиглах замаар нэгжээс авах ашиг шимийг нэмэгдүүлэх, бэлчээрийн усан хангамжийг сайжруулах, газар тариалангийн салбарт үр тариа, төмс, хүнсний ногоо, жимс, жимсгэний үйлдвэрлэлийг нэмэгдүүлэх,  хүнсний хангамж, аюулгүй байдлыг хангах, хөнгөн, жижиг дунд үйлдвэр, хоршоо, ахуйн үйлчилгээний бодлогын хэрэгжилтийг хангах  зэрэг чиглэлд  үйл ажиллагаагаа явуулж байна.

 

ХҮНС, ХӨДӨӨ АЖ АХУЙН ГАЗАР



Сэтгэгдэл бичих


Улаангом

Багавтар үүлтэй
-4
Өдрийн салхины хурд 4 м/с
Шөнийн темпратур -16 ℃
Шөнийн салхины хурд 4 м/с
Өдөр: -1 ℃
Шөнө: -16 ℃
2019-03-28
Өдөр: -2 ℃
Шөнө: -15 ℃
2019-03-29
Өдөр: -1 ℃
Шөнө: -15 ℃
2019-03-30
Өдөр: 1 ℃
Шөнө: -13 ℃
2019-03-31

Цахим холбоос