“УГИЙН БИЧИГ-УДАМ СУДАР” ЗӨВЛӨГӨӨН АНХ УДАА АМЖИЛТТАЙ ЗОХИОН БАЙГУУЛАГДЛАА

“УГИЙН БИЧИГ-УДАМ СУДАР” ЗӨВЛӨГӨӨН АНХ УДАА АМЖИЛТТАЙ ЗОХИОН БАЙГУУЛАГДЛАА

МУ-ын ЗГ-аас иргэдийн дунд Угийн бичиг хөтлөхийн ач холбогдлыг ухуулан таниулах, хүн амын удмын санд учирч болзошгүй сөрөг нөлөөллийг арилгах, цус ойртолтыг багасгах чиглэлээр томоохон зорилтуудыг дэвшүүлж холбогдох бодлогын баримт бичиг, хууль тогтоомжуудад тусгасан. Тодруулбал Соёлын тухай хуулийн 5.3 дахь заалт, МУ-ын төрөөс баримтлах бодлогын 4.3.2 заалт, МУ-ын ЗГ-ын 2007 оны 257-р тогтоолоор Угийн бичиг хөтлөх журмыг тус тус батлаад байгаа юм. Үүний дагуу аймаг орон нутгийн түвшинд ажлаа төлөвлөн эрчимжүүлж байгаа бөгөөд Аймгийн Засаг даргын 2016-2020 оны үйл ажиллагааны хөтөлбөрт туссанаар ГБХЗХГ-аас “Угийн бичиг-Удам судар” зөвлөгөөнийг амжилттай зохион байгууллаа.

Бүх сумын ЗДТГ-т уг зөвлөгөөнд оролцох албан бичгийг хүргүүлсэн ч Тэс, Наранбулаг, Хяргас, Түргэн, Улаангом, Ховд, Завхан, Цагаанхайрхан, Малчин, Баруунтуруун, Зүүнговь, Сагил гэсэн 12 сумын угийн бичиг хөтөлдөг гэр бүл, соёлын ажилтнууд оролцож сайн туршлагаасаа хуваалцаж санал бодлоо солилцлоо.

Зөвлөгөөний үеэр Угийн бичгээ сайн хөтөлж удам судраа судалдаг үлгэр жишээ 10 гэр бүлд хүндэтгэл үзүүлсэн бөгөөд Наранбулаг сумын Борлууд овгийн Шагжийн Гармаа, Завхан сумын Булган овогтой Жамсрандоржийн Мидэр, Тэс сумын Хойд  овгийн Билэгтсайны Ядамсүрэн, Сагил сумын Ноосоонхон овгийн Нацагийн Шуумаржав, Шангас овогт Дамирангийн Тогтохбаяр, Наранбулаг сумын Баргад овгийн Батаагийн Буянтогтох, Ховд сумын харьяат Сэтэрхий зуутраг овгийн Өндөгдөөн Товдой, Улаангом сумын Шаньдвууд овгийн Жалхын Дэлэг, Улаангом сумын Галзад овгийн Жуужаан Сорог, Тэс сумын харьяат Тайж овогт Сүрэнгийн  Төмөрбаатар нарын гэр бүлд хүндэтгэл үзүүллээ. Оролцогчид овгуудыг нэгтгэн цэгцлэх, сум орон нутагт зөвлөгөөн зохион байгуулах, сумдад цус ойртолтын талаар нарийвчилсан судалгаа гаргах, Угийн бичиг хөтлөх ажлыг эрчимжүүлэхийн тулд сум бүр төсөв батлуулах гэсэн олон санал санаачилгыг гаргаж байсан юм.



Сэтгэгдэл бичих


Улаангом

Ялимгүй хур тунадас
8
Өдрийн салхины хурд 5 м/с
Шөнийн темпратур -1 ℃
Шөнийн салхины хурд 5 м/с
Өдөр: 9 ℃
Шөнө: -2 ℃
2018-10-21
Өдөр: 9 ℃
Шөнө: -2 ℃
2018-10-22
Өдөр: 10 ℃
Шөнө: -2 ℃
2018-10-23
Өдөр: 6 ℃
Шөнө: -5 ℃
2018-10-24

Цахим холбоос